Danceing Machine The jewel guy Eunhyuk |

- إسمه الحقيقي : Lee HyukJae
- إسم الشهره : Eun Hyuk
- تاريخ ميلاده : April 4, 1986

- تتكون عائلة انهيوك من أم و اب و أخت .. هنا
- المدارس اللي درس فيها انهيوك , مدرسة SungSangYooAhWon وهي الحضانه , مدرسه
ByungSuhl وهي الروضه , مدرسة NeungGohk الإبتدائيه , مدرسة HwahSoh المتوسطه
و مدرسة HwahGohk الثانويه .
- أول ظهور لأنهيوك كان في عام 1992 , كان انهيوك رايح مع ابوه يشوفون غروب الشمس وقتها
صوروهم بـ فلم وهم ماكانوا يدرون , وآخر شي طلع هالمشهد على التلفزيون .
- يوم كان انهيوك بالسادس الإبتدائي تهاوشوا بنتين عشانه وحده من فصله والثانيه من الفصل الثاني
وكل وحده ماسكه شوشة الثانيه ويصارخون على بعض " هيي من سمح لك تواعدين هيوكجي " ؟
- كانت أمنية انهيوك من طفولته إنه يصير لاعب كره أو مغني , لأنه يعشق رياضة كرة القدم .
- لما كان انهيوك طفل , وتحديداً في الصف الثاني , كانت اول أهتماماته في الرقص , لما كان يشوف
أخته الكبيره تتدرب على مسابقة للمواهب , فكانت هذيك اللحظه هي وقت إلهامه للرقص .
- في السنه اللي بعدها , إشترك انهيوك هو وأصدقائه في مسابقة المدرسه للمواهب , وقال انه
استمتع بكل لحظه خاضها في وقت تجربة الآداء .
- أنهيوك هو من طوّر نفسه و مهاراته بالرقص , كان يشوف مقاطع رقص ويجلس يتدرب عليها
عشان يصير راقص ماهر و يوصل لأعلى مسويات الرقص
- من طفولة انهيوك كان يعرف عضو فرقة الدبسك " جونسو " و كانوا اصدقاء جداً مقربين .. هنا
- قرروا مره انهيوك وجونسو انهم يشتركون بمسابقة جمال , ويوم دخلوا المسابقه لقوا ان كل المتسابقين
رجال لابسين ملابس بنات .
- أنهيوك و جونسو اقسموا وحلفوا يمين بينهم يوم كانوا صغار بأنهم ماراح يشربون كحول او يدخنون ,
لكن للأسف جونسو نكث بوعده لأنهيوك وهالشي ضيق صدره وزعله .
- في عام 2000 , انهيوك و صديقه جونسوا راحوا مع بعض لـ تجربة الآداء في Starlight Casting System 2000
في هذي التجربه قبلوا جونسوا لكن انهيوك ما تم قبوله .
- في السنه اللي بعدها انهيوك ما فقد الأمل وراح للمره الثانيه لتجربة الآداء , و فعلاً تم قبوله و صار
متدرب في شركة الـ SM , وهذا فيديو لأدائه عند اللجنه .. هنا
- في كوريا , كان لازم على كل طالب أنه يخوض أختبار تحديد المستوى , لكن انهيوك ماقدر يختبر
لأنه وقتها كان في عز شغفه بالرقص وكان منشغل بالتدريب .
- قبل ما يتم ترسيمهم , أنهيوك وجونسو قررو يسوون مقلب بدونغهي المسكين عشان يبغونه يصيح
فقالوا له انت لما بتصير مشهور حياتك راح تتغير وبعدها ماراح تهمنا ابداً , دونغهي من كثر ماضاق
صدره من الكلام , قام راح الحمام وجلس يبكي .
- بعد ما تم قبوله بسنتين , انهيوك و سونغ مين و جونسو كانوا في فرقه مبتدئه , هالفريق هذا قدم
إنجاز بسيط عن طريق ظهورهم ببرنامج " Heejun vs. Kangta Battle of the Century Pop vs. Rock "
لكن ماطولوا هالثلاثي و للأسف تم إلغاء الفريق , لأن جونسو وقتها تم ترسيمه في فرقة " DBSK "
أنهيوك كان وقتها مازال متدرب , مع كذا كان فرحان كثير لجونسو بحكم انهم اصدقاء , وهالشي زاد
حماسه أكثر وصار يتدرب أكثر من أول .
- من كثر حب انهيوك للرقص و جدارته بالتدريب , وصل أنهيوك لأعلى فئه احترافيه بالرقص .
- بعدها بفتره قصيره و تحديداً في يوم 6 نوفمبر/2005 , تم ترسيم انهيوك كـ عضو رئيسي بفرقة
Super Junior , وكان دوره بالفريق الليدر دانس + الراب .. و بدآ مشوار انهيوك الفني .
- لما ترسم انهيوك كان اسمه الحقيقي " Lee Hyukjae " وكان اسمه مشابه لأسم ممثل كوميدي ,
عشان كذا بعد ما ترسم قام وغير اسمه لـ " Eun Hyuk " ومعنى إسم Eun / الفضي .. ومن هنا
طلع له هاللقب " الفتى الجوهره / الجوهري " .
- لما قابل انهيوك لأول مره " هان " قاله ان اسمه " WonBin " , طبعاً هان المسكين صدق الكلام
وصار يناديه بهالإسم لمدة ثلاث شهور لين ما قالوا له الباقين اسمه الحقيقي .
- بالبدايه انهيوك كان يتضايق لما كان يطلع معه حارسه الشخصي لكن حالياً يحس انه مره ممنون لهم على اللي يسوونه .
- مهما كان تعب انهيوك من كثرة التدريب لكن اذا شاف دونغهي يتدرب بشكل متواصل يرجع له النشاط
من جديد و يرجع يتدرب اكثر و أكثر وبنسى تعبه .
- دايم ما يشيل انهيوك صورة لأهله معاه في السكن خصوصاً بعد ما يكلمهم .
- دايم يتمنى انهيوك ان أخته " سورا " تتزوج " شيوون " , لأن بنظره أن شيوون رجل متكامل .
- يعشق القبعات لدرجة ان مره راح يوم كامل يتسوق عشان يشتري بس 23 قبعه , المشكله ان كلهم
نفس الموديل تقريباً لكن الألوآن تختلف .
- يتمنى انهيوك انهم يسوون كونسرت في قاعة " Tokyo Dome " باليابان .. هنا و هنا
- انهيوك خجول مره لدرجة اذا جلس جمب بنت يسسسستححي , حتى مره علقوا عليه اصدقائه على خجله
وانه لو جلس جمب بنت مستحيل تجيه الجرأه و يمسك يدها .
- مره من المرات استخدم انهيوك " الاستون " إللي هو مزيل المناكير عشان يشيل الكحل اللي بعينه .
- انهيوك أكثر واحد بالفرقه يحب الأكل وياكل كثير لكن ما يبين عليه , و أي احد يجي ياكل معه يعصب
و يعطيه الصحن ويقول كله كلّه .
- معروف عن انهيوك أنه ما يصرف كثير ولا يحب يبذر بالفلوس وانه اكثر عضو يتصرف فيها بحكمه .
- انهيوك يكره الأكل اللي نص استواء , يعني يحب الأكل المستوي تمام التمام .
- كان يحس بالأسف يوم انضم " كيوهيون " للفرقه , لأن الاعضاء ماكانوا كويسين معه .
- انهيوك كان يغار من لقب كيوهيون " Magnae on Top " , عشان كذا قام يسمي نفسه " Treasure on Top " .
- عند انهيوك كلب اسمه " شوكو " و حيوان اليف اسمه " مينكي " لكنه ما صرح اي نوع من الحيوانات
.. صورة لـ كلبه هنا
- في عام 2008 يوم 13/ مارس , لما كان انهيوك بينزل من الستيج في حفل " m! countdown "
طاح انهيوك وانجرحت ذراعه اليمنى و اليسرى لكنها كانت اخف من اليمنى , وصار يلبس ضماده
في اليد اليمنى و يربطها برقبته وكانت الندبه اللي على يده مره واضحه .
- في احد المرات انهيوك طلع يتسوق مع اخته , راحت اخته دخلت غرفة السيدات يوم تجمعوا الفانز
يطلبون توقيعه سألوه عن البنت إللي معه ؟ قام قال انها النونا فقالوا له عادي قول لنا الصراحه ؟
بعدها فكر انهيوك انه المفروض في المستقبل ما يطلع معاها كذا و قام يتسائل " يعني ما نقدر نكون
اخو واخت ؟ " .. صورته مع اخته هنا



- هيوهيون من السنسد مره راسلت انهيوك قام يستهبل ورد عليها " اسف انهيوك غيّر رقمه " .
- اذا عصب على كلابته وصارخ عليها الكلابه بتهز ذيلها وبتقعد تطالعه , بعدها انهيوك بيحس بالندم
ويشوف انها كيوت .
- انهيوك حرييف لعبة حجر ورق مقص .
- في برنامجه كيس ذا راديو دايم يهتم انهيوك بالضيوف ويشوف من الضيوف البنات لليوم , وفنانته
السولو المفضله هي IU .. هنا
- انهيوك أول شي يشوفه بالبنت " ستايلها " .
- انهيوك معروف عنه أنه بسرعه ينخدع وهو أكثر واحد ينلعب عليه من الفرقه , وبعد هو معروف عنه
ان دمعته على طرف عينه وهو اكثر واحد سهل انك تبكيه .
- مره كانو السوجو باليابان , وراحوا عشان يشترون آيسكريم فجأه اختفى انهيوك وطلع لهم ومعه حلويات
كثيره , كلهم انصدموا وقالوا ترا ماتقدر تاخذ كل هالاشياء ! , كانت الفاجعه أن انهيوك انفجر
صياح من الصدمه قاموا يعتذرون منه وقالوا له خلاص خذهم كلهم بس فكنا من شرك ,
يوم طلعوا يقولون انه جلس ياكل الحلويات وكأن مافي شي ألذ منها في الدنيا وهو مازال يصيح
ودموعه على خده .
- انهيوك مهووس باللاب حقه وما يخلي احد يمسكه ابداً , ومن زود حرصه عليه غير الباس وورد
6 مرات عشان ما احد يمسكه .
- انهيوك يعشق أغنية " I Like Sexy Girls " , للمغني Joe .. هنا
- الألوان المفضله لأنهيوك , الابيض و الازرق و البيج والرمادي .
- ما يحب انهيوك سنة 2008 كثير لأنه ما قضى وقت كافي مع الأعضاء و الـ ELF .
- انهيوك له دور كبير في سوبر جونيور بحيث انه كاتب بعض الأغاني و الألحان وبعد يألف الرقصات
و يسويها هو ودونغهي و شيندونغ ..
- يعتبر انهيوك " مايستروا " الروك والبوب .
- فاكهة انهيوك المفضله الفراوله والبرتقال وفاكهه كوريه اسمها " gyool " , بالإضافه إلى انه يحب
حليب الفراوله .
- أكثر مدن يتمنى انهيوك انه يزورها " اليابان , استراليا , مصر " .
- إذا كان انهيوك يخاف من شي معين يكتمه ولا يقوله لأحد , دونغهي دايم ما يزعل منه عشانه كتوم
من هالناحيه ويحاول يخليه يتكلم .
- في عام 2007 صار حادث شنيع لأربع اعضاء من السوجو وكان انهيوك من ضمنهم , لكن الحمدلله
ماجته اصابه قويه كانت كدمات وخدوش بسيطه وطلع من المستشفى بعد اربع أيام .
- في سنة2010 فبراير/25 , أنعدى انهيوك من مرض انفلونزا الخنازير اللي كان منتشر ذيك الفتره
إصابته بالمرض خلآ كل الـ ELF يقلقون عليه ويدعون له انه يتشافى من هالمرض , والحمدلله ما جلس
إلآ فتره بسيطه وبعدها تشافى ورجع زي الفُل .
- انهيوك احتل المرتبه الـ " 16 " في الرانكين أكثر من عملوا بجد في سنة 2009/2010 .
- جت فتره لأنهيوك عاش فيها قصة حب مع اللون البني , و صار يلبس ملابس كلها بنيه
ومره لبس لبس من فوق لتحت كله بني في بني , قام تيكي يذب عليه وقال له كنت احسبك " شجره " .
- نوع البنات اللي يبي يواعده انهيوك يختلف عن النوع اللي يبي يتزوجها , إللي يبي يواعدها يبغاها
شايفه نفسها و مو سهله وتعطي شعور انها لعابه , واللي يبي يتزوجها يبغاها ما تشوف إلآ هو و
لطيفه وتحبه .
- انهيوك لاكان عنده وقت فراغ يحب يبحث اسمه بالنت أو ينزل فيديو هو كان فيه .
- انهيوك عنده 12 طريقة عشان يرقد تقدرون تسمونها " طقوس النوم " .
- قبل ترويجات بونامانا , كان يفكر انهيوك انه يكتب لكل واحد من الأعضاء رساله و اشترى
12 بطاقه و بدا يكتب عليها " آمل بأننا نعمل بجد معاً للألبوم القادم لذا دعونا نشجع بعض "
وكتبها كلها على حسب الأعمار , لكن يوم وصل لبطاقة شيندونغ حس بالتعب وباقي كثير ولا كان
عنده وقت ابداً عشان يكملهم , بالأخير هون .
- سألوه بمقابله مين هي نجمة انهيوك المفضله ؟ جاوب وقال " emma watson " .
- في عام 2007 كتب أنهيوك بالسي وورد و اعترف انه يحب مغنيه اصغر منه بالعمر ,
وكتب هالشي فقط عشان يكون صريح مع الفانز ويبقى على وعده

What Eunhyuk say about himself


- أنا رجل عائلي , لن اجعل زوجتي تعمل ابداً وانا من سيعمل ويجلب مالً كافي وسأساعد بواجبات البيت
و غسل الصحون ايضاً .
- امي دائماً تقول لي : أنت اجمل واحد في كل هالعالم , وهذا ما اظنه ايضاً , يبدو بأن الشاشه
توضح لكم ذلك , أليس كذلك ؟
- بنظري ان شرب الكحول ليس له اي فائده , وان من عادات النُبلاء وحسن التصرف بأن الشخص
لا يشرب الكحول ابداً .
- أنا احب التحرك احب ان انظف غرفتي واعيد تنظيم الاثاث , و احب التكيف مع بيئه جديده لأستطيع
العيش بها , هذا إيطار من شخصيتي .
- هوايتي تجميع الحلزونات لأن اشكالها لطيفه وجميله وهي من حيواناتي المفضله .
- عندما اذهب إلى اي مكان في العالم كنت أجد الفان ممسكين بلافتات مكتوب عليها " الأنشوفه "
كنت اعلم بأنهم لا يفهمون ماتقصد ولكن قلت بنفسي يجب أن أتغير وبدأت بالتمارين بجد وفعلاً قد تغير
جسمي وفرحت بذلك , لكن بعد هذا وجدتهم أطلقوا عليّ لقب " الأنشوفه ذات العضلات " .
- من اجل ان احافظ على صورتي كـ فنان يجب عليّ أن احلق شعر قدمي .
- كنت في برنامج " كيس ذا راديو " وكان يجب ان اقول إسم الأغنيه التي سنعرضها بعد قليل ولقد كان
بعيداً عني لأقرئه , فلم يكن واضحاً ابداً , كانت اسم الأغنيه " PARTY IN U.S.A " فلم تبدو لي الأحرف
واضحه جداً ولم انتبه إلى الفواصل فقد نطقتها " بارتي إن يوزا " .
- بشرتي هي الأفضل !
- وجهي عباره عن قطعه فنيه !
- منزلي مكان جيد ايضاً , لكنني دائماً ما افكر بإيجابيه وانه من الممكن أن أحلامي تتحقق في يوم ما .
- تخليت عن صديقتي لأنني لا استطيع ان اسعدها فقد كان ابي يمر بظروف ماديه قويه , وكنت اتجنب
الخروج معها إلى موعد , وبالنهايه طلبت منها ان ننفصل .
- اول قُبلة لي كانت في المتوسطه الأولى , لم اكن اعلم والسبب في ذلك كانت هناك فتاة مشهوره
في المدرسه وفي وقت التنظيف كانت تنظف الممر فكان الأولاد يقولون اذا اردتي المرور من هنا يجب
عليها ان تقبل خدودهم , فلم يكن خيار امامها سوا تقبيل خدودهم , وهذا جعلني اشعر بالغيره لذا
كلمتها في تلك الليله وقلت لها ان كانت تريد عفوي فيجب ان تعطيني شيء اقوى مما اعطيتيه لهؤلاء الأولاد .
- لو كان بإمكاني أن أكون مشترك في برنامج " we got married " , أتمنى بأن تكون زوجتي
" son yeh jin " .. هنا
- مهما نظرت إلى المرآة كنت دائماً أفكر بأنني جميل جداً .
- كنت احب مشهوره وكانت تحب مشهور قبلي , في أحد الايام كان صديقها القديم على المسرح يقدم
فأتتني رساله منها وكانت بالخطأ وقد كتبت انها مازالت تذكر الإشاره التي كان يفعلها من اجلها على
المسرح , فقد كنت غاضباً جداً و ذهبت إلى الحمام فقد كنت أخرج غضبي و ضربت الجدار بيدي وكسرتها .
- جسمي بشكلٍ عام هو الذي يُزهي أي شيء ألبسه ( يعني جسمه مزين ملابسه ) .
- سوبر جونيور هي " الدفء "
- اول مره قمت بقيادة السياره كانت في يوم ممطر , فقد تحسنت مهارات القياده لديّ بسرعه .
- سأنجب طفلين , الأولى اريدها فتاة .. أعتقد بأنه شيء جميل ان يملك احد مآ اخت كبيره .
- مره سألوه في برنامج من أكثر واحد بيكون مضطرب بليلة الزواج ؟ رد انهيوك : وماذا تفعلون في
ليلة الزواج !
- في رحلتهم لباريس اتصل انهيوك على ليتوك وقال له : هيونق , كان هناك حوالي مئه من المعجبين
بالمطار في إنتظاري !!
- مره سألوه من هو أهم صديق عندك ؟ رد : أليس كل الأصدقاء مهمين ؟
- في الدريم تيم انهيوك كان يقول : عندما اسمع بأن البرنامج اليوم كله عن النجوم و المشاهير عندها
اعلم بأن كله سيكون عني .
- في أحد مقابلات الدريم تيم , قال انهيوك : هذي توقعهاتي بالنسبه لترتيب المراكز , بالنسبة للمركز
الأول , ليس لديّ خيار إلآ أن اضع اسمي فوق أعلى شيء .


* عرّف بعائلتك : ليس لديه الكثير من الشعر بالأمام لكنه هادئ , مريح مع مظهر وشخصية لطيفه
انه أبي , الناس يقولون لي بأني اشبهها ولم تعطني مصروفي من شهرين انها امي , مرحه وتهتم بي
جيدا وذكيه وواعيه .. أختي , لطيفه وغالبا ماتغار من تشوكو " كلبه " , تنام في اي مكان وتأكل جيدا
انها مينكي // هذه هي عائلتي .
* مدرس تحترمه : لأنني طالب لطيف أحترم أغلب مدرسيني .
* السعاده هي : انها تختلف من شخص لاخر , اليس كذلك ?
لايهم ماهي اذا كانت تعطي الشخص المتعه واذا كنت تعتقد انه هذه هي السعاده .
* اذا خييرت بين الصداقه والحب : لأقول الحقيقه , أنا لم أواجهه بعد لأقرر .
* متى ستتزوج : اذا حققت جميع احلامي وكسبت الكثير من المال .
* مالذي يجعلك سعيدا في اليوم : عندما يخبرني احد بأنني مليء بالكارزيما ووسيم .
* اذا كنت في مثلث حب : اتقابل مع كل واحد بمفرده وأوضح الامور .
* اذا الشخص اللذي تحبه خانك : اذا كان حقا يحب الشخص الاخر , بامكاني التفهم .
* طقس تستمتع به : طقس صافي وجميل .
* اذا انفصلت انت وصديقتك اين تذهب : اذهب الى جدولي التالي .



What Member's say about Eunhyuk


- دونغهي : في احد البرامج سألوا من احلى شفايف فيكم ؟ قال دونغهي : شفايف انهيوك اول ما يقوم
من النوم !
- الأعضاء : اجمعوا على ان أكثر ثلاثه يتهاوشون هم شيوون ودونغهي و انهيوك .
- ليتوك : انهيوك ما يبذر فلوسه على الأعضاء لكن دائماً يتسلف منهم ولا يرجع الفلوس .
- ليتوك : لما نروح انا وانهيوك للمطعم ويجي وقت الدفع يقول انهيوك " أصلاً أنا ماجيت إلآ واني اعتقد
بأن هيونق هو اللي راح يدفع " فأضطر اني ادفع .
- ليتوك : سألت انهيوك كيف راح تربي ولدك في المستقبل ؟ رد انهيوك : راح اوافق على كل شي
يبغى يسويه وراح اكون الداعم له .
- ليتوك : انهيوك يحب انه ياخذ ملابس منوعه ومختلفه , حتى لو كان هذا اللبس ما يظهر من هو .
- شيندونغ : إنهيوك هو الشخص اللذي اريد ان اقول له اسف , كان يريد استعارة سيارتي ليذهب للأكل
في مكان ما لكنني لم أدعه .
- هيتشول : عندما لا أكون في مزاج جيد , انهيوك سيجلس هادئا ولا يفعل شيئ .
- هيتشول : انهيوك خاصتنا لطيف , حتى لو انني فعلا اريد ان اصطحبه معي اخشى بأن يكون لي
تأثير سيئ عليه .
- سونغ مين : عندما يتألم انهيوك , أريد فقط أن انقذه .
- دونغهي : في عيد ميلاد انهيوك " الأنشوفه أنت تنتمي إلي !! أنت لي "
- دونغهي : أنا دائما أحاول ان اييقظ انهيوك , لكني لست متاكداً لماذا دائماً اعانقه وينتهي بي الأمر
أن انام معه .

- أكثر موقف بكى فيه انهيوك وكل ما يشوفه يرجع يبكي إلى يومكم هذا , هو يوم احتلت أغنية " U "
المركز الأول , كان العرض مباشر وقدام كل العالم بكى انهيوك وكل اعضاء السوجو .. هنا
- مره من المرات في راديو " كانغ إن " كان جالس يقرا رساله , بنفس الوقت انهيوك من بعيد يتميلح
على كرسي , وفجأه صار شي خلى كانغ إن يموت ضحك ! .. هنا
- أنهيوك مميز بكل شي , حتى بعزفه على البيانو .. هنا
- أنهيوك انسان فاصل بالفطره تطلع عليه حركات تحسونها لا إراديه وتخلي اللي يناظره بشعور
متضارب , يبي يصيح و يضحك و يغمى عليه بوقت واحد ! .. هنا
- وضعيات انهيوك بالتصوير .. هنا
- أنهيوك مميز بالراب كيف لو كان انقلش بعد ؟ .. هنا
- الفضاوه تلعب دور يعلمون بعض الانقلش وكل واحد أشنع من الثاني , عندما يجتمع انهيوك
وتيكي تطلع الفضايح .. هنا
- انهيوك بكل مكان تلقونه نايم , وهنا عاقبوه وشلكه تاب ينام برا البيت بعدها .. هنا
- مره بأحد البرامج سوو مقلب لأنهيوك واثنين من اخوياهم على اساس ان شيندونغ بيطلع من الفرقه
تأثر مره بعدين شوي شوي أنفجر صياح .. هنا و هنا
- أنهيوك مافي أحد ينافسه بالدانسر .. هنا
- صدقوني برنامج ستاركينج بدون انهيوك وتيكي ولآ شي , مصارعه حره و فاز فينها انهيوك
إللي يشدكم هنا حركات انهيوك بالله دققوا فيها .. هنا
- الفصصصصصله إللي ع الفطره ماتلقونها إلآ بأفعال انهيوك .. هنا
- شفتوا فصله ؟ شفتوا ضحك ؟ شفتوا فهاوه و غباء , بس باقي الكواته ما وريناكم .. هنا
- قلنا ما يتوب ينام بكل مكان , بس ببث مباشر ! وموب مره وحده بعد ! .. هنا و هنا


- نوم نوم نوم نوم .. هنا و هنا و هنا
- ام انهيوك إللي جابت لنا الجوهره .. هنا
- صور من طفولة انهيوك هو وجونسو صديقه .. هنا و هنا
- بطاقة انهيوك مدري هي الأحوال او الرخصه بس ابو الكوااااته هنا
- جانب من انهيوك .. هنا و هنا و هنا

حبية اقول ان هذا كله منقول من موقع الاقلاع واشكر شكر ضاااااااااااااااااااااص للكتبت وهذا كلامها عجبني وقلت احطه لكم ^^

وأخيرا نزلنا الموضوع
تعبنا وسهرنا وصبحنا وتنزرفزنا وطبعا النحس اللي لازم يقابلك بكل شي
اول شي كيو جتها ظروف ووتعطلنا وقلنا مالنا الا نكمل الموضوع بدونها
الحمد لله عدت ظروفها بسرعه وقعدنا نجهز فجأه خرب لاب تاي المعوق !
وبرد تخرجك وماعاد فيه وقت وزحمه وقروشه بس بننزله غصصب
و جحدنا ابو الصعاب ونزلناه بكل مانملك من اصرار وعزم
دقيقه باعترف بشي ! كرهت انهيوك الفتره هذي وقسسم
طول اسبوعين مخي مافيه الا انهيوك انهيوك وصلت فيني اغلط باسم اهلي واناديهم باسمك يعني معلييييش
انهيوك لاشوف خشتك الا بعد شهر سامعني !!
واحب اشكر كل من ساهم ودفنا واقلقنا عشان ننزل الموضوع
بيق ثانكس ليوري + برنسس اروى على الايكونز
وابتسامه وتوته و بربل على التصاميم الجميله
ولينا وبنات القروب على الدعم المعنووي
ساسي ساسي
اول شي من جدك بنخلي تخرجك يمر كذا ؟
يمر مرور الكرام ومانقتلك ونعطيك كم جرعة حقاره معصصي
يارب قد ايش كنا سعيدين يوم قلتي لنا
يعلم الله كننا حنا المتخرجيين والمرتاحين
> ابد ماذكرت صراخها يوم كلمتيها
التخرج هذا والسعاده هذي ماتجي الا مره بالعمر
حبينا نشاركك هاللحظات بالموضوع البسيط اللي ابد مو قدك
حطينا كل حيلنا فيه ومازلنا نحس اننا مقصرين !
كلمه اخيره من البنات : نهبكم ساسي
يالله ادهرو بالردود ياصبايا

وهذا الربط
http://vb.eqla3.com/showthread.php?t=737280